Åkerfallet folkemusikksted

Magnhild - folklore i fjøset

2012-01-06T01:55:00.000+01:00

Tilbakeblikk til Åkerfallkonserten 2011 kor vi sette opp folkemusikkteateret Magnhild. Vi er så heldige som har fått stykket skrive og sett opp på Åkerfallet. Verkeleg profesjonelt arbeid og ei heilt sereigen, moderne og flott forestilling om Magnhild sin fasinerande sjebne. Dyktige artistar gjer sitt til å løfte forestillinga. No håpar vi å få synt fram stykket rundt om på Nordmøre og i resten av landet. Her er nokre bilete frå i sommar.

Torgeir Leivdal og Unni Boksasp

Jon Ivar Smiset og Øystein Sandbukt

Unni Boksasp

Gro Kjelleberg Solli

Fullt hus på tre forestillingar i låven på Åkerfallet

Vinteren ligg igjen over Åkerfallet

2011-12-11T03:05:00.002+01:00

Vinteren ligg roleg og vindfull på Åkerfallet. Her er mellom anna bilete frå haustens glade musikkelevar på kurs i folkemusikk frå Nordmøre. To flotte dagar i mildt haustver. Vi håpar å snart kunne komme med nytt om folkemusikkaktiviteten og Åkerfallkonserten 2012. I mellomtida ønskar vi dykk ei god jul :-) Rannveig

Samla musikklasse. Storkosa oss i lag.

Danselærarane sitt ønske om levande song til polsdansen vert innvilga ;-) God stemning på Låven på Åkerfallet.

Tilbakeblikk til 2010, Ingrid Marie og Jens Erik Hanem vann C-klassen i folkedans og vart gjort stas på av ordføraren; som og fekk seg eit kurs i polsdans denne søndagen på Åkerfallet.

Eit utdrag frå utstillinga. Her kan du setje det i Erik Almhjell sin spelestol, lytte til opptaka hass og sjå bilete frå speleoppdrag Nordmøre rundt.

Deeer ca ligg den halvhøge tonen i Sulla lulla. Songkurs med Unni Boksasp i Erikstua 2010.

Åkerfallkonserten 2010. Kattsmygarlaget dansar til musikk av Brann i Blått. Arve Tellefsen spela og på låvebrua på Åkerfallet denne dagen.

Åkerfallkonserten 2011 - 10år!

2011-05-21T09:27:00.003+02:00

Åkerfallkonserten 2011 – 4. og 5. juni

«Magnhild» - et folkemusikkalsk teater som jubileumsforestilling for konserten i 2011.

Det er 10 år siden Åkerfallkonserten ble arrangert første gang. Dette blir markert med ei forestilling om Magnhild Almhjell sitt liv og levnet. Dramatisert ved: Manus/regi: Hege Rohde, Sang/musikalsk regi: Anne Kleivset, Medvirkende: Unni Boksasp, Gro Kjelleberg Solli, John-Ivar Smiseth, Torgeir Leivdal og Øystein Sandbukt.

Forestillingen blir inne på låven. Utstillingen er åpen og det blir matsalg fra kl 12.00.

Forhåndsalg av billetter på Bunnpris Aspøya, Sunndal kulturhus, Hoseth Service og Drøpping.

Forestillinger lørdag 4. juni kl 14.00 og søndag 5. juni kl 14.00 og 16.00

Voksne kr 200,-
Barn kr 50,-

Folkedans på Meisingset - ny oppstartsdato

2011-03-22T14:28:00.000+01:00

Vi fekk ikkje nok påmeldte til å starte opp den første fredagen og vi fekk tilbakemeldingar på at marknadsføringa ikkje hadde nådd fram. Vi har difor bestemt oss for å gjere eit nytt forsøk med meir målretta informasjon og med kursstart 25. mars kl 18.00 på Meisingset grendahus. Pris sett ned til 250kr. Lærarar som før, Kirsty McKinnon og Rune Hanem.

Påmelding innan onsdags kveld til post@akerfallet.no

Spre ordet, og vel møtt!

Konsert med Unni Boksasp Ensemble og Straumsnes Songlag

2011-03-07T09:49:00.001+01:00

Foto: Fotograf Eidsmo

Søndag 3. april inviterer vi til konsert med Unni Boksasp Ensemble og Straumsnes Songlag. Songlaget er stolte over å få synge saman med bygdas ferske spellemannsvinner og vi gler oss alle på konsert. Songlaget stiller med vårens reportuar av kjente og kjære viser. Det står klassikarar som «Så lenge skutan kan gå», «Tir'na noir» og «Mitt hjerte er ditt» på programmet. Vidare deltek koret på nokre songar når Unni Boksasp Ensemble entrar scenen. Ensemblet er ute på norgesturnè i desse dagar. Sidan vi møtte dei sist på låven på Åkerfallet i mai i fjor, har dei altså hausta både folkelarm-pris og spellemannspris for albumet. I tillegg til ei lang rekke strålande kritikkar og Unni sin seier i landskappleiken 2010.

Dette gler vi oss til, vel verdt å få med seg :-)

kl 18.00 på Sellanrå grendahus på Tingvoll. Pris kr 150,-

Arr: Åkerfallet og Straumsnes Songlag

Åkerfallskulen startar folkedanskurs, kor & song og babysong

2011-03-07T09:33:00.004+01:00

Nye tilbod frå Åkerfallskulen:

Folkedans
Dansarane Kirsty McKinnon og Rune Hanem tek til med eit kurs i folkedans over 5 veker fram til påske. Oppstartsdato blir 18. mars kl 18.00 på grendahuset på Meisingset. Kirsty og Rune ønskar alle interesserte frå 6 år og oppover (også vaksne) velkomne på kurs. Det vil bli aldersinndeling når vi ser påmeldinga. Pris for kurset er 300,- Påmelding til post@akerfallet.no innan 15. mars.

Velkomne!

Kor & song
Kor og songopplæring i ensemble. Torsdagar kl 14.00-15.30 på «Grønlihøgda» (5.klasserommet) på TBU. Frå 7. trinn og oppover. Første øving 17. mars. Vi legg opp til allsidig kor og songundervisning. Fleirstemt song og allsidig reportuar. Det blir fire torsdagar før påske og etter påske ut mai. Dirigent/lærar er Rannveig Eikrem Jensen. Pris kr 400,- Påmelding til post@akerfallet.no innan 15. mars.

Velkomne!

Babysong
I samarbeid med helsestasjonen tilbyr vi fire tysdagar med babysong. Her vil ein lære barnesongar på dialekt, bånsullar, rim og regler. Dei gamle voggesongane er kvalitetssikra gjennom fleire hundre år. Ein god voggesong er den som har så god tekst og melodi at ein kan synge den i søvne... Datoar er 15., 22., 28. mars og 5. april. Kl 13.00. Kursleiar er Rannveig Eikrem Jensen. Send gjerne ei mld om du blir med til post@akerfallet.no innan 14. mars. Her er det lagt opp til "drop in" og ein pris på 50kr pr gong. Samlingane blir på helsestasjonen.

Velkomne!

Spellemannspris til Unni Boksasp Ensemble - vi gratulerer!

2011-03-07T09:31:00.000+01:00

Unni boksasp Ensemble vart laurdag kveld tildelt spellemannsprisen for beste folkemusikk-album i 2010 for plata «Keramello». Stor stas for oss som jobbar med folkemusikk på Nordmøre og står langt oppe på fan-lista til Unni og co. Vi er sjølvsagt heilt einige i at dette var fullt fortjent. Det er ei flott plate dei har laga. Vi gler oss til konsert i kulturveka!

Gratulerer!

Åkerfallskulen i den kulturelle kultursekken

2011-02-21T15:34:00.000+01:00

Foto: Kai T. Dragland

Frå hausten av kan skuleklassar frå Møre og Romsdal besøke oss på Åkerfallet gjennom den kulturelle skulesekken. Tilboda i kulturlauget har søknadsfrist 21. mars. Her er tilbodet vårt presentert. Vi kan og komme til skulen og lære elevane litt om vår lokale song og danse-tradisjon.

Vi gler oss :-)

Åkerfallet på facebook

2011-01-28T13:56:00.000+01:00

Følg Åkerfallet på facebook! Dei som ikkje er på facebook kan og sjå sida her. Her legges det ut smått og stort nytt som skjer kring folkemusikk på Nordmøre og kring Åkerfallet.

Kulturlauget 2011/2012 - Song og dans med Åkerfallskulen

2011-01-28T11:15:00.002+01:00

Skuleåret 2011/2012 tilbyr Åkerfallskulen i samarbeid med den kulturelle skulesekken ein verkstad i song og dans med lokalt stoff. Eit såkalla kulturlaug. Til presentasjonen av verkstaden i januar 2011 laga vi ein film med elevar frå 6. og 7. klasse ved Tingvoll B&U som var med på verkstaden. Den kan du sjå her :-) (Med tillatelse frå skulen og foreldra) Songane vi syng på videoen er "Når du blir så gammel som ho bessmor di" etter Arne Hindhammar i Angvika, Gjemnes og "Litin Ola mann" etter Kari Dyrnes og Asbjørg Ås Bakk i Mjosundet, Aure. Dansane er ein familieril og "Gilleråsen", ein dans frå Gjemnes. Elevane fekk og ei innføring i vår eigen Nordmørspolsdans, ein av dei eldste dansane våre som nesten hadde gått i glømmeboka for nokre år sidan.

Vi kan komme til skulen og ha verkstaden, eller de er hjerteleg velkomne til å ta elevane med opp på Åkerfallet for ein skuledag der med mykje innhald. Sjå nettsida elles for meir informasjon om Åkerfallet og Magnhild og Erik Almhjell.

Ta gjerne kontakt med kultursekken om din skule/kommune ønskar å bestille verkstaden. Ta og gjerne kontakt med oss om det er noko du lurar på, eller ønsker å hyre oss utanom kultursekken.

Vi som har verkstaden er Kirsty McKinnon og Rannveig Eikrem Jensen. Kirsty jobbar til dagleg på Bioforsk økologisk på Tingvoll, men har og utdanning i folkedans. Ho er ein av eldsjelene bak folkedanslaget Kattsmygarlaget på Tingvoll. Rannveig har ein mastergrad i musikkvitenskap med fordjuping i vokal folkemusikk. Ho arbeider for tida med utviklinga av Åkerfallet.

Rannveig Eikrem Jensen, 99034203 rannveig@akerfallet.no

Brosjyra med turnèane til kultursekken for neste skuleår finn du her. Vi er på side 40.

Åkerfallkonserten 2011 - 10år!

2011-01-13T10:59:00.004+01:00

Åkerfallkonserten 2011 – 4. og 5. juni kl 14.00

«Magnhild» - et folkemusikkalsk teater som jubileumsforestilling for konserten i 2011.

Det er 10 år siden Åkerfallkonserten ble arrangert første gang. Dette blir markert med ei forestilling om Magnhild Almhjell sitt liv og levnet. Dramatisert ved: Manus/regi: Hege Rohde, Song/musikkalsk leiing: Anne Kleivset, Medvirkende: Unni Boksasp, Gro Kjelleberg Solli, John-Ivar Smiseth, Torgeir Leivdal og Øystein Sandbukt.

Forestillingen blir inne på låven. Utstillingen er åpen og matsalg fra kl 12.00.

Billetter: Forhåndsalg av billetter på Hoseth Service og Drøpping.

Voksne kr 200,-
Barn kr 50,-

Vår i sikte?

2011-01-13T10:56:00.003+01:00

Sola har vel enda ikkje kasta lys på stueveggane på Åkerfallet i år, men det blir snart, og med sola kjem våren og Åkerfallet byrjar å knirke i hjørna... Vi håpar på godt besøk denne sesongen og. Inspirerte elevar og glade konsertgjengarar er det garden likar aller best. Hanne og Marius ønsker velkommen. Forresten, de er kanskje ikkje retteleg presentert for Hanne og Marius? Det må vi få gjort snart.

Medan vinteren kviler over oss kan vi kose oss med noko av det som vart sagt og skrive om Åkerfallet i 2010:

«Åkerfallet står meir og meir fram som en kulturell skattekiste for

Folkemusikk og folkedans.»

«Magnhild og Erik ville nok ha vært både forundret og fornøyd.

Løa tar rundt hundre personer. Det ble ikkje plass til alle, men

tonen rakk ut på tunet gjennom låvedør og et luftig lokale.»

Aura Avis, 22. mai 2010

«Makan til konsertlokale og utstillingslokaler»

Folkesongar Unni Boksasp 20. mai 2010

«En annen som fikk seg en aha-opplevelse var Torgeir Brun. Sunndalingen, som også har sang som hovedinstrument, beskriver samlingen som en god erfaring.

– Jeg har fått åpnet øynene. Jeg ante ikke at det var laget så mye musikk i Sunndal, slår han fast. Erik Almhjell var som kjent oppvokst der. »

«Og det må bli noe mer av dette, fastslår Øystein Sandbukt. – Det er et skrikende behov for slike kurs, uten at man må reise langt bort.»

Tidens Krav, 30. sept 2010

Og så skal vi ikkje glømme hovudpersonane på Åkerfallet, Magnhild og Erik. Dette skreiv Magnhild til Erik i mørketida i desember, krigsåret 1944:

«…alle dei gode stunder du med det

herlege spelet ditt lyfta meg opp av

kvardagens strid og strev, inn i ei

verd full av uendeleg venleik, der sjæla

kan symja avstad på tonerne rett inn i æva.»

Ein flott sesong er over på Åkerfallet

2010-10-11T11:14:00.000+02:00

Vi har i 2010 hatt arrangement på Åkerfallet frå mai og ut september, ein lang og god sesong! Det starta med opning av utstilling og konsert med Unni Boksasp Ensemble i mai og fortsette med Åkerfallkonserten, polskurs, kabaret, friluftsgudsteneste og konsert med Per Aarsund. Vidare har pensjonistlaget vore på besøk, i tillegg til lærevillige 9.-klassingar frå Straumsneset og musikkelevar frå Atlanten VGS. Bortimot 1000 besøkande har vore på Åkerfallet. Mykje musikkhistorie er formidla og gode opplevingar skapt. Neste sesong er under planlegging. Men no får vinteren gje kvile til heimen høgt over Hafstadvatnet.

Her følger nokre bilete frå musikklinjeelevane sitt folkemusikkurs den 28. og 29. september.

Klasserommet på låven, på benkar og sauefeller

Peder Hønsvik, Tor Erik Jenstad, Helge Husby og Rolf Holte spela og fortalte om slåttar og gammaldansmusikken.

Øystein Sandbukt og Unni Boksasp heldt ein liten konsert.

Øystein Sandbukt heldt kurs.

Her dansast det Gilleråsen, ein dans frå Gjemnes.


Unni Boksasp lærer musikkelevane å hauke til lia på andre sida.

Haust på Åkerfallet

2010-09-10T10:33:00.000+02:00

Hausten på Åkerfallet er tid for kurs og møter. Onsdag kom pensjonistlaget opp og heldt møtet sitt på låven i strålande sommar(!)ver. Utover september blir det besøk av skuleklassar og til slutt kjem ein klasse frå musikklinja i Kristiansund innover på todagers folkemusikkurs med Unni Boksasp og Øystein Sandbukt. Vi håpar på fortsatt strålande haustver!

Per Aarsund spelar på Åkerfallet

2010-08-23T13:01:00.001+02:00

På den siste opningsdagen denne sesongen får vi besøk av ein lokal trubadur på Åkerfallet, Per Aarsund.

Per Aarsund er av yrke byggmeister, og ga ut sitt debutalbum ”Fri sjel” i 2009. Han karakteriserar sjølv musikken sin som viserock med jordnære tekster på Nordmørsk. Songane har vore å høyre på NRK P1 og er jamt spela på NRK Møre og Romsdal. Han har og vore innom norsktoppen med to songar.

På låven på Åkerfallet spelar han gamle og nye songar akustisk. ”Det er både litt spennende og skummelt å opptre utan mikrofon og forsterkeranlegg, men jeg gleder meg stort til å få opptre på en slik flott plass som Åkerfallet er” fortel Per.
Åkerfallet søndag 29. august kl 14.00

Bill.kr 50,- Selges i låvedøra.
Billettinntektene går til MOT i Tingvoll.

Utstillinga og garden forøvrig er open som vanleg.

Noregsmeistrane i folkedans vart heidra!

2010-08-23T12:58:00.000+02:00

Premiering av vinnarane. Foto: Kai T. Dragland

Under landskappleiken i Voss i juni vann søskenparet Inger Marie og Jens Erik Hanem frå Kattsmygarlaget klassa si i dans vanleg fele. (Klasse C - dei under 18 år.) Søndagen den 11. juli inviterte Kattsmygarlaget til kurs i polsdans frå Todalen. Med på kurset var Ordførar Ole Morten Sørvik, og i baklomma hadde han med ei påskjønning til noregsmeistrane. Gratulerer så mykje!

Polskurs. Foto: Kai T. Dragland

Polskurs på låven på Åkerfallet ein vakker sommerdag var heller ikkje å forakte :-) Ein fin dag på Åkerfallet.

Alt er så nær meg - en kabaret

2010-07-21T00:23:00.004+02:00

På Åkerfallet søndag 1. august kl 17.00.

Historien om den vakre, men litt skakkjørte Frida og kjærlighetens og gledens kolibri

fortelles gjennom nye viser sunget av Mette Bjørbekk og hennes egne dikt og fortellinger.

Musikken er arrangert og spilles av pianisten Ole Jonas Storli.

Kabareten hadde premiere i mars i år, og har fått gode kritikker fra publikum og presse.

TK skrev: ”et etterlengtet og solid comeback”, ”en sterk historie i bunnen”

Aura Avis skrev: ”ei rørande historie”, ”Ole Jonas Storli tonesette det fabelaktig”

Driva skrev: ”Nydelig og nært”, ”en flott intimkonsert”

Kabareten er basert på tonesatte dikt av Inger Hagerup, Tove Ditlevsen og Karin Boye.

Vi har hatt en rekke konserter i vår og i sommer, og tar sikte på plateinnspillingen til høsten.

Du kan høre fem av låtene på www.myspace.com/altersaanaermeg.

VELKOMMEN TIL KABARET!!

Bill kr 150,- Born gratis.

To sigrar i landskappleiken til Tingvoll!

2010-06-27T18:32:00.000+02:00

Nordmørstradisjonen gjorde det godt å landskappleiken på Voss i helga. Fredag dansa Jens Erik og Ingrid Marie Hanem heim siger i dans fele klasse C. Det er klassen for dei under 18 år. Dei dansa Todalspols. På laurdag vann Unni Boksasp finalen i A-klassen i vokal. Det er eliteklassen i vokal, og ho måtte både kvalifisere seg til finalen og vinne denne.

Gratulerer så mykje til noregsmeistrane!

Opningstider sommaren 2010

2010-06-16T21:02:00.000+02:00

Sommaren 2010 er garden og utstillinga open frå kl 12-17 kvar søndag frå 20. juni til 29. august. Det blir kaffe og bakels og få kjøpt. Legg ein fjelltur via Åkerfallet? Eller ta turen opp med sommargjestane og vis dei eit stykke musikk-Nordmøre.

Velkomne!

Audition til folkemusikalsk teaterforestilling på Åkerfallet

2010-05-23T12:47:00.003+02:00

Vi søker tre «fortellere» - to kvinner og en mann, alder 16-60 år, til å være med i en folkemusikalsk teaterforestilling. Temaet er historia om Magnhild og Erik Almhjell, og forestillinga varer ca 1 time og skal ha premiere på Åkerfallet på Meisingset i Tingvoll kommune 5. juni 2011.

Det blir arrangert audition for interesserte på Tingvoll Brygge og Fjordhotell 13. juni 2010 kl 13.00.

For nærmere opplysninger, ta kontakt med Åkerfallkonserten ved Tora Meisingset, tlf 90 54 59 46, e-post: tora.meisingset@bioforsk.no

Åkerfallkonserten 2010

2010-03-11T14:33:00.000+01:00

Åkerfallkonserten 2010 arrangeres 6. juni kl. 14.00

Årets konsert er den niende i rekken på Åkerfallet. Anne Kleivset er som vanlig faglig og kunstnerisk leder, og byr på et program av høg kvalitet.

Siden 6. juni er Sveriges nasjonaldag, blir mye sang og musikk hentet derfra. Vi får blant annet innblikk i Astrid Lindgren sin rike diktning, og kanskje kommer Pippi Langstrømpe! Den kjente norske sanger og skuespiller Stephen Brandt Hansen fremfører mange svenske godbiter. Barneoperakoret fra Steinvikholmen musikkteater opptrer sammen med Straumsnes barnegospelkor. Underholdning også av musiker Kyrre Havdal og skuespiller/humorist Hans Petter Nilsen fra Trøndelag teater. ”Kattsmygarlaget” danser, og ikke minst svenske Ebba Ringmar spiller på sekkepipe.

Utstillingen er åpen og matsalg fra kl. 12.00.
Gratis busstransport starter fra Store Bro kl. 11.30, siste avgang kl. 13.00.

Billettpriser:
Voksne kr. 200,-
Ungdom 15-18 år kr. 100,-
Barn under 15 år gratis.

Opning av utstilling og plateslepp av Unni Boksasp Ensemble

2010-02-25T11:05:00.001+01:00

Torsdag den 20. mai kl 18.00 inviterer vi til opning av ny utstilling på Åkerfallet. Samstundes kjem Unni Boksasp Ensemble og presenterer den nyinnspela plata si; KERAMELLO.

Låven på Åkerfallet er under omarbeiding, og målet er eit publikumsbygg med scene, utstilling og kurslokaler. 20. mai opnar vi nybygd utstilling om Magnhild, Erik og musikken deira. Hovudfokuset er på Magnhild og songen ho formidla. Men vi får og oppleve Erik, sjå fela hans og høyre slåttane hans i ny og gammel drakt. Det blir mogleg å få høyre mykje musikk etter Magnhild i tillegg til å lære om folkesongtradisjonen Magnhild formidla.

Unni Boksasp er kjent for sin formidling av songane til Magnhild. Ho ga i 2007 ut albumet Songar frå Havdal med mykje musikk etter Magnhild. No har ho produsert ei ny plate, KERAMELLO som blir presentert på Åkerfallet denne kvelden. Med seg i sitt ensemble har ho Jorun Marie Kvernberg (fele, hardingfele, song), Olav Luksengård Mjelva (fele, hardingfele, bratsj), Petter Berndalen (perkusjon), Magne Vestrum (kontrabass) og Trygve Brøske (trøorgel).

Foto: Fotograf Eidsmo - Erlend B Enger

Utstillinga og opningsarrangementet er sponsa av Sparebank1 Nordvest

Stipend til mastergrad om Magnhild Almhjell

2010-01-21T12:34:00.009+01:00

Småsamfunnssatsninga i Tingvoll lyser ut eit stipend på 10 000 kr til ein student som vil skrive ei musikkfagleg masteravhandling om Magnhild Almhjell. I tillegg tilbyr vi hjelp til kjeldetilgang, tips til litteratur, kontaktformidling lokalt og eit opphald på Åkerfallet.

Magnhild Havdal Almhjell frå Tingvoll var ei allsidig dame, men mest kjent er ho i ettertid for songen sin. Ho vaks opp hjå bestemora si og hadde lært songane og songstilen av henne. Bestemora var fødd i 1844, dermed representerer songen til Magnhild ein gammal tradisjon. Den er kjenneteikna av ein gammal songstil med forsiringar, krullar og svevande tonalitet. Denne arva hadde ho gøymt og bevart godt. Det finst 137 opptak av songen til Magnhild. Det er opptak av både dialektviser, skillingsviser, religiøse viser, salmer og kringelhauk. Songen er i nordmørstradisjon, kva no det vil seie?

I vaksen alder gifta Magnhild seg med spelemannen Erik Almhjell. Saman budde dei på garden Åkerfallet i Tingvoll. Denne garden har no Tingvoll kommune fått kjøpt og den er under utvikling til å bli ein folkemusikkstad med scene, utstilling og kurslokale.

Du kan lese litt meir om Magnhild og Erik i artiklar her på akerfallet.no og på desse nettsidene:
Magnhild Havdal Almhjell på Wikipedia
Erik Almhjell på Tingvoll kommune sine nettsider

På biletet sit Magnhild med Kingos salmebok i handa og syng for Rolf Myklebust frå NRK.

Om du er interessert, ønskjer vi at du gjerne kontaktar oss så snart som råd og forteller kva du tenker. Det kan dreie seg om stilstudie, samanliknande studie, resepsjonsstudie eller anna. Ta ein prat med din vegleiar! Vi er klar over at ulike universitet og høgskular har ulik praksis i planleggingsfasen av ei masteroppgåve. Dette må vi sjølvsagt tilpasse oss, derfor er det fint om du tek kontakt tidleg og SEINAST 26. mars. Avgjering vil bli gjort i løpet av våren. Vi forutsett at oppgåva skal leverast i løpet av 2011.

Litteratur:
Kleivset, Anne og Utne, Olve: Songen hennar Magnhild, Tuddal, Buen kulturverksatad 1994
Meisingset, Toril Martha Ornell: Magnhild og sangen, Spelemannsbladet nr 7 2009

Sjå og bibliografi om vokal folkemusikk på visearkivet sine nettsider.

Musikk:
Magnhild sine songar er brukt av fleire artistar. Magnhild sine songar finst på desse cd-ane:
- Unni Boksasp; Songar frå Havdal (15 songar)
- Tre begrædelige piger; Til deg (2 songar)
- Gåte; Jygri (2 songar)
- Gåte; Statt upp (Maggedulliadei) (EP) (2 songar)
- Det norske jentekor (1 song)
- Sinikka Langeland og Kåre Nordstoga; Påsketona (1 song)

Orginalopptak med Magnhild finst på desse cd-ane:
- Norsk folkemusikk: religiøse folketonar, talik records (2009) (3 songar)
- Folkemusikk frå sogn og fjordane, møre og romsdal, grappa (1995) (9 songar)
- Hugen leikar så vide - middelalderballader i norge, ll distribution (2005) (3 songar)
- Fanitullen 1, grappa (1996) (1 song)

I tillegg følger det orginalt med ein kasett med 47 orginalopptak til boka Songen hennar Magnhild (Buen kulturverkstad, 1994) Buen leverar songane på cd om du kontaktar forlaget.

Ta gjerne kontakt for alle moglege spørsmål!

Rannveig Eikrem Jensen
-Musikkviter-
rannveig@akerfallet.no

Stipendet blir annonsert ved :
- Norges Musikkhøyskole,
- UiB – institutt for musikk- Griegakademiet,
- Ole Bull Akademiet
- Høgskulen i Rauland,
- NTNU – institutt for musikk,
- UiO – institutt for musikkvitenskap

Ny dato for påmelding til musikkgupper 0-1år

2010-01-05T15:36:00.000+01:00

Jula kom brått på ein og ein kvar, så vi utsett oppstart av musikkgrupper 0-1 år til seinare i januar eller i februar. Det blir hengt opp plakatar rundt omkring. Påmelding og/eller spørsmål til eikremjensen@hotmail.com Les meir under Musikkgrupper 0-1 år.

Velkommen til Åkerfallet på nett!

2009-12-14T22:02:00.003+01:00

Da har Åkerfallet fått si offisielle nettside! Her skal ein kunne finne informasjon av kva som skjer på og omkring Åkerfallet. Her kan du og lese litt om Magnhild og Erik Almhjell og garden Åkerfallet. Du kan og finne linkar til musikarar som brukar materialet etter Magnhild og Erik.

Av kommande aktivitetar kan vi nemne at frå januar 2010 startar vi opp tilbod med musikkgrupper for babyar frå 0-1 år. På vårparten skal det opnast ny utstilling på Åkerfallet og 6. juni 2010 blir det ny Åkerfallkonsert.

Velkommen til nettsida, og velkommen på arrangement!

Biletet er av Manghild som ung.

Lenkar

2009-12-07T09:45:00.005+01:00

Her har vi samla nokre lenkar til musikarar som spelar musikk etter Magnhild og/eller Erik Almhjell.

MySpace:
Unni Boksasp
Sturla Eide
Øystein Sandbukt
Jorun Marie Kvernberg
Gåte

Heimesider:
Unni Boksasp
Nordmøre Spelmannslag

Garden Åkerfallet

2009-11-26T12:55:00.014+01:00

Åkerfallet er den garden med busetning som ligg høgast i Tingvoll. Den har vore seter, seinare bufast gard før Magnhild Havdal kjøpte garden på 1930-talet. Da tok ho til å sette istand husa på den noko falleferdige garden. Etter at Erik Almhjell kom til gards i 1948 fekk han flytta ei høyløe fra Ålvundeid som vart sett opp som ei stue på Åkerfallet; Erikstua. Det er den vi ser nest lengst til venstre på det gamle biletet. Låven på dette biletet vart riven og ein ny sett opp. Lengst til venstre står eit sommarfjøs. Dette står der enda. I tillegg er det bygd eit redskapshus. Mary og Øystein Sørensen kjøpte garden i 1990 og har lagt mykje arbeid i å sette garden fint i stand.

Prosjektet Åkerfallet

2009-11-25T22:19:00.023+01:00

Åkerfallet er eitt av tre delprosjekt Tingvoll kommune har fått støtte til å utvikle under paraplyen "Småsamfunnssatsninga i Tingvoll". Dei andre prosjekta er "Tingvollen" - eit nettverk mellom "Tingvollar" rundt Nordsjøen, og Tingvoll økopark - eit økologisk kunnskaps og opplevingssenter. Prosjekta har ei treårig ramme. Prosjektleiar er Kristin Sørheim.

Målet med Åkerfallet er å skape eit knutepunkt og ein formidlingsstad for folkemusikk på Nordmøre. Her skal det bli scene, kurslokaler og utstilling som fortel om songaren Magnhild, spelemannen Erik og om song-, dans- og folkemusikktradisjon på Nordmøre. I tillegg er målet at "Åkerfallet" skal bli ein pådrivar for folkemusikkaktivitet og formidling utover det som skjer oppe på sjølve garden. Åkerfallkonserten er allereie eit etablert arrangement som går av stabelen første helga i juni. Den har vore arrangert kvart år sidan 2001 med Anne Kleivset som initiativtakar og musikalsk leiar.

Åkerfallkonserten 2010

2009-11-25T22:13:00.003+01:00

Åkerfallkonserten 2010 blir den 6. juni.

Programmet blir presentert seinare.

Teksten i headingen

2009-11-25T22:09:00.001+01:00

Handskrifta i headingen er Magnhild si. Klippet er henta frå eit brev ho skreiv til Erik den 11. desember 1944. Fire år før dei gifta seg. Det er tydeleg at ho sette stor pris på spelet til Erik.

Nei du treng sovist ikkje tenkja på nokon "urett" så mykje du har streva for meg, - og alle dei gode stunder du med det herlege spelet ditt lyfta meg opp frå kvardagens strid og strev, inn i ei verd full av uedeleg venleik, der sjæla kan symja avstad på tonane rett inn i æva. Når eg vaknar om natta må eg reisa meg ende opp fyr eg kan tru det er sant, at det var inne i denne stova eg höyrde alle dei fagre tonane, eg er mest huga til å tru eg har dröymt alt saman.

Kontaktinformasjon

2009-11-24T14:18:00.006+01:00

Prosjektleder i småsamfunnssatsninga i Tingvoll:
Aslaug Koksvik
mobil: 91158790
e-post: aslaug@b-leading.no

Prosjektmedarbeider, ansv. Åkerfallet:
Rannveig Eikrem Jensen,
mobil: 99034203
e-post: rannveig@akerfallet.no

Postadresse:
Tingvoll Næringshage
Gunnars veg 10
6630 Tingvoll

Prosjektgruppa for Åkerfallet har vore:
Åse Bjerke, Tingvoll kommune (leiar)
Kirsty Mckinnon, Kattsmygarlaget
Tora Meisingset, Store Bro
Henny Turøy, Meisingset bygdekvinnelag
Marianne Nystad, Tingvoll museum

Komite for Åkerfallkonserten:
Tora Meisingset
Ingeborg Anna Torjul
Kirsty McKinnon
Ole Stomsvik
Rannveig Eikrem Jensen
Kristin Sørheim
Hanne Iren Dahlen

Kunstnarleg ansvarleg for Åkerfallkonserten:
Anne Kleivset

Musikkgrupper 0-1 år

2009-11-24T13:54:00.007+01:00

Åkerfallet vil frå januar 2010 gje eit tilbod i musikkgrupper for babyar under eitt år!

Det er lang tradisjon for å synge og leike med ungane sine, men i dagens samfunn ser vi at songen har sakka akterut. Mange er ikkje vant til å synge for andre og det perfekte lydbildet som omgir oss, gjer at vi kanskje stiller for store krav til oss sjølv? Song og songleiker er ein fin måte å komunisere med ungar på, og ein viktig del av vår kulturarv. Og ungane elskar det! For ungane finnest det ikkje noko vakrare og tryggare enn mor eller far sin stemme.

Kursa vil ta i bruk mykje lokalt stoff, både etter Magnhild Almhjell og andre. I tillegg til kjente og kjære barnesongar. Det er forutsetning at det blir stor nok påmelding for at kursa blir sett igang. Gruppene blir satt saman etter alder på ungane og geografi. Kursa blir lagt dit interessen er størst og vi prøvar å legge opp til noko sosialt samtidig så ein får tid til å snakke saman og.

Kursleiar er Rannveig Eikrem Jensen. Ho er utdanna musikkviter fra NTNU og har i tillegg kurs frå foreninga musikk fra livets begynnelse .

Kursoppstart blir i januar/februar 2010. Kursavgift 500kr. Du kan melde deg på med ein gong, eller seinast 20.januar 2010 ved å sende ein mail til eikremjensen@hotmail.com Husk å oppgi fødselsdato til babyen :-)

Erik Almhjell

2009-11-03T13:41:00.004+01:00

Erik Almhjell (1881-1963)var frå Sunndalen. Han var ein utypisk spelemann i det at han var grovarbeidar, dreiv skogen, braut jord og la steinmurar. Spelemenn flest hadde meir fingernemme yrker, men Erik spela like godt med sine grove fingrar. Han arbeidde om dagen og spela om kveldane. Erling Torske fortel at han spela reint, roleg og malmfullt. Han hadde stor vyrnad for musikken og ville helst ikkje forandre slåttane, men spela dei mest mogleg i si opprinnelege form. Han kunne øve på ei enkelt storfe kveld etter kveld til han mestra den heilt. Han hadde og god greie på kvar slåttane kom ifrå og kven som hadde spela dei. Han hadde lært mykje av materialet etter mor si, Anne, fødd Torske. Felespel hadde han lært av sin bror Ola som og var spelemann.

Av: Rannveig Eikrem Jensen
Kjelder: Fet, Jostein: Forlemusikken i Møre og Romsdal 1999.

Magnhild Almhjell

2009-11-03T13:33:00.013+01:00

Magnhild Almhjell, fødd Havdal, var fødd den 12. juni 1894 i Havdal på Meisingset i Tingvoll. Mor til Magnhild døydde da ho var litt over eitt år gammal, og ettersom ho var fødd utanfor ekteskap, vaks Magnhild opp hjå sin mormor og morfar. Av desse besteforeldra sine lærte ho i barndommen mange songar og historier. Ho var skuleflink og tok og etter skuletida brevkurs i matematikk, norsk og engelsk.

Magnhild pleia bestemora til ho døydde i 1942, 102 år gammal. Da flytta ho opp på garden ho hadde kjøpt nokre år tidlegare, Åkerfallet. Denne dreiv ho saman med drengen Lars Bernhard Havdal. I 1948 gifta ho seg med spelemannen Erik Almhjell frå Sunndalen. Han var fødd i 1881 og var da 67 år gammal og Magnhild var 54 år.

Magnhild var eit arbeidsmenneske. I tillegg til gardsdrift og omsorg for si gamle bestemor var ho postberar. Ho var og allsidig interessert i kultur og natur. Ho las mykje og var og engasjert skrivar til aviser og blad.

Songen
Magnhild Almhjell er ei av dei viktigaste kjeldene til gammal songstil vi har i Noreg. Ho hadde lært songane av si bestemor som var fødd i 1841. Bestefaren var fødd i 1822. Det at Magnhild hadde lært songen hjå så gamle kjelder, og samtidig levde så lenge at ho nådde i bandopptakaren, gjer at vi har fått for ettertida spela inn ein songtradisjon som er omtrent forsvunne idag. I all hovudsak er gamle folketonar notert ned med notar etter innsamlaren sitt gehør. På det viset får ein berre tak på eit omriss av tonane. I bandopptaka får ein dokumentert ei stor verd av detaljar; krullar, klang, tekstplassering rytme, tempo osv.

Magnhild er vidare spesiell fordi ho har etterlatt seg eit reportuar med så stor bredde. Ho song inn religiøse folketonar, bånsullar, kringelhauk, skillingsviser, dialektstubbar og meir. Songar for ei kvar anledning. Songen hennar tilhører ein songstil som vi fann over heile Norden før den vart trengt til side til fordel for ein kunstmusikkalsk stil som kom med nye ideal som korsong, nye salmer, orgel i kyrkjene og utbreiing av kunstmusikk utanfor dei største byane. Songstilen Magnhild representerte var inadvent, meint for husbruk, ikkje for framføring. Den var individuell, ein song ofte aleine etter sine eigne ønsker. Den var praktisk, hadde gjerne ein funksjon.

Magnhild fekk slag i 1965 og mista taleevnen, og dermed tagna songen hennar. Ho døydde i 1985.

Av Rannveig Eikrem Jensen

Kjelder: Kveivset, Anne og Utne, Olve: Songen hennar Magnhild, 1994
Husby, Helge: Åkerfallet, ein kulturheim, Hendt og hender, 2008

Velkommen til Åkerfallet på nett!

2009-11-03T10:45:00.000+01:00

Da er endeleg Åkerfallet på nett! Det er Magnhild si eiga handskrift som får pryde overskrifta på sida. Ho skreiv, som vi ser: Aakerfaldet som var rettskrivinga i hennar samtid.